Научниците од Универзитетот Фрај во Берлин објавиле дека во спанаќот нашле супстанца која има слични ефекти како и анаболичките стероиди од кои растат мускули. Во прашање е екдистеронот.
Со оваа студија биле опфатени 46 спортисти кои тренирале три пати дневно во траење од месец и половина. Една група земала екдистерон, а другата примала плацебо. Се покажало дека првите испитаници станале посилни и имале повеќе сила во спортот, дури три пати повеќе во однос на другите.
Спанаќот освен тоа е и исклучително богат со железо, заради што се препорачува во исхраната кај личностите кои патат од анемија.
