Оваа намирница би требало почесто да ја има на нашето мени затоа што е извор на здравје. Спанаќот е исклучително богат со протеини, фолна киселина, магнезиум, витамини, калциум, калиум, фосфор, железо заради што особено им се препорачува на анемичните личности. Само 180 г варен спанаќ содржи повеќе од 1000 проценти од препорачаното дневно количество на витамин К и 377 отсти витамин А. Овој вид зеленчук, исто така, изобилува со флавоноиди и каротеноиди кои имаат противвоспалително и антиоксидантно дјество. Спанаќот е извор на витамини Ц и Е, бетакаротен, манган, цинк и селен.
Секојдневно консумирање на овој зеленчук им се препорачува на личности заболени од остеопороза, а заради калиумот и на жените кои влегуваат во менопауза.
Спанаќот го поттикнува варењето и спречува запек, помага при слабеењето, позитивно влијае на нивото на шеќер во крвта и ја подобрува функцијата на мозокот. Заради богатите состојки најдобро е да го јадете свеж, како додаток во салати или само кратко проварете го. Едно од најважните правила кога е во прашање спанаќот е дека тој не треба дополнително да се подгрева.
