Поради спарнината и големите жештини често се чувствуваме уморни и без сила. Помогнете си со едноставни совети: јадете лесна храна, пијте многу течности, избегнувајте тешки физички активности, но и не претерувајте со клима уредот.
ХРАНЕТЕ СЕ ПАМЕТНО
Понекогаш е толку жешко, да немаме волја да јадеме, но за да енергијата остане на потребното ниво, потребно е да се јаде барем малку на секои пар часови. Најдобар избор се лубеница, целер, портокал и зелена пиперка кои се полни со вода и останати хранливи состојки. Комбинирајте ги со протеини за да нивото на шеќер во телото остане стабилно.
ПИЈТЕ ВОДА
Сите органи и клетки бараат вода за правилно да функционираат, а истражувањата покажале дека и слабата дехидрација може да има негативен ефект на разположението и извршувањето на едноставните задачи. Затоа пијте многу вода и секојдневно вклучете во исхраната течности богати со електролити.
УМЕРЕНО СО КЛИМА УРЕДОТ
Внимателно при нагли премини топло-ладно, а тоа посебно се однесува на срцевите болни. Таквиот премин предизвикува стегање на крвните садови, а кобно може да биде излегувањето од разладен простор на жештина. Температурната разлика помеѓу климатизиран и надворешен простор не смее да биде поголема од седум степени.
ОСВЕЖЕТЕ СЕ
Туширајте се или капете се со млака вода. Носете лесна широка светла облека од природни материјали. Кога излегувате надвор носете шешир, капа и очила за сонце. Сепак, најпаметно е да не излегувате ако не треба помеѓу 10 и 17 часот.
