Спиењето е важен фактор кога се работи за процесот на слабеење, а така е затоа што доволното количество сон го забрзува согорувањето на мастите, контролирајќи го апетититот и давајќи доволно енергија за личноста да биде физички активна. Од друга страна, недостатокот на сон може да влијае на начинот на кој телото реагира на храна. Ненаспаноста го зголемува апетитот, што тоа значи дека ќе внесувате повеќе калории, а килограмите ќе се зголемуваат. Ова се должи на хормоните кои го контролираат гладот – грелин и лептин. Грелинот е пуштен на слобода откако мозокот испраќа сигнал дека желудникот е празен, додека лептинот се ослободува од масните клетки за да го потисне гладот и да му даде информација на мозокот дека стомакот е полн. Но, ако не спиете доволно, телото произведува повеќе грелин и помалку лептин, што ве прави почесто гладни и апетитот се зголемува. Покрај тоа, кога не спиете доволно се зголемува и хормонот на стрес – кортизол.
Кога не спиете, вашата волја е послаба и способностa за донесување добри одлуки е компромитирана. Низа студии покажале дека луѓето кога се уморни јадат неквалитетна храна, односно храна богата со маснотии и калории. Во рамките на едно истражување на учесниците им било дозволено да спијат само четири часа, па резултатот покажал дека дневниот внес на калории е за 22 проценти поголем, а на маснотии речиси двојно зголемен.
Недоволното спиење може да доведе и до отпорност на инсулин, што значи дека шеќерот нема да се претвори во енергија доволно брзо. Кога се развива отпорност на инсулин во клетките во крвотокот останува вишок шеќер и телото произведува повеќе инсулин за да го надомести. Поради овој вишок на инсулин стануваме почесто гладни и телото ги складира маснотиите. Отпорноста на инсулин лесно може да доведе до дијабетес тип 2 и зголемување на телесната тежина.
