Попладневното спиење е добро за нашето здравје, открила грчка студија спроведена во болница над 212 пациенти со зголемен крвен притисок. Истражувачите дошле до заклучок дека попладневниот сон го намалува крвниот притисок и ризикот од срцев удар, што за сите попладневни спијачи е одлична вест. Низ истражувањето е утврдено дека оние кои ќе отспиеле попладне имале понизок притисок после спиењето отколку пред него.
„Попладневниот сон го намалаува крвниот притисок еднакво како и некои други промени во начинот на живот“, рекол доктор Манолис Калистратос, еден од авторите на студијата.
На пример, со намален внес на сол и алкохол, крвниот притисок можеме да го намалиме за три до пет милиметри на живиниот столб, а падот на крвниот притисок веќе за два милиметри на живиниот столб може да го намали ризикот од кардиоваскуларни болести за десет отсто, тврдат стручњаците.
