Температурата на воздухот во спалната соба може да има огромно влијание врз квалитетот на нашиот сон. Иако, веројатно, повеќето од нас не обрнуваат многу внимание на температурата на собата во која спијат, за квалитетен сон најдобро е ако термометарот покажува меѓу 15 и 19 степени. Меѓутоа, ако температурата е повисока од 24 или пониска од 13 тоа може да доведе до нарушување на сонот.
Зошто е толку важна температурата?
Нашата телесна температура природно расте и опаѓа во текот на 24 часа. Највисока е во доцните попладневни часови, а најниска околу пет часот наутро. Спиењето обично почнува кога ќе ни падне телесната температура, па поладна соба ќе ве поттикне побрзо да заспиете. Ако квалитетот на сонот не е доволна причина да спиете во поладна соба, можеби во тоа ќе успее некоја од следниве причини.
Ќе имате помирен сон
Некои облици на несоница се резултат на лошото регулирање на телесната температура. Ако ви е тешко да заспиете навечер, ладната соба може да ви помогне и да ви овозможи подлабоки соништа.
Ќе изгледате младолико
Спиењето во соба со пониска температура ќе поттикне излачување на мелатонин во телото, кој е еден од најдобрите телесени хормони против стареењето.
Може да ви помогне да загубите килограми
Кога паѓа телесната температура се намалува нивото на кортизол, што ќе ви овозможи поквалитетен сон. Кога не спиете доволно ќе се разбудите со повисоко ниво на кортизол – што значи дека многу е поголема веројатноста дека ќе посегнувате по нешто слатко и ќе ја зголемите анксиозноста.
Ќе го намалите ризикот од развој на метаболички болести
Едно истражување открило дека спиењето во соба на 19 степени може да помогне во спречувањето на некои метаболички болести како што е дијабетесот. Учесниците во истражувањето не само што согорувале повеќе калории во текот на денот, туку речиси ја удвоиле количината на телесни масти која му помага на телото да складира помалку калории. Со текот на времето тоа може да го намали ризикот од метаболни болести. И уште еднаш спијте во поладна просторија, поздраво е!
