Одделот за здравство во Калифорнија предупреди дека луѓето треба да ги држат своите мобилни телефони барем еден метар од себе додека спијат за да ја намалат изложеноста на зрачење и здравствени ризици.
Калифорнија издаде упатства за намалување на изложеноста од зрачењето од мобилните телефони поради се почестите докази дека употребата на мобилни телефони може да биде поврзана и со ракот, менталното здравје и проблемите со репродуктивното здравје. Мобилните телефони пренесуваат податоци користејќи нискофреквентни радиосигнали, што би можело да не изложи на нездраво зрачење, особено кога сме на „стриминг“ или преземаме големи датотеки.
Истражувањето не докажа дека дефинитивно зрачењето од мобилните телефони е опасно, но постојат доволно студии кои ја поврзуваат употребата на мобилните телефони со сериозни болести и затоа се советува претпазливост, особено за децата, се вели во соопштението. Радиофреквентните (RF) мобилни телефони што се користат за пренос на информации се наоѓаат на дното на скалата на зрачење, но истражувањата покажуваат дека и тоа може да биде доволно за да го загрози вашето здравје.
„Држењето на мобилниот телефон директно на телото никогаш не било добра идеја“, вели д-р Дебра Дејвис од „Health Trust“. Всушност, се чини, дека и самите производители на мобилни телефони се согласуваат со тоа. На пример, уредите на Епл содржат известување за „РФ изложеност“ во нивните упатства. Во известувањето се објаснува дека RF емисиите на iPhone се тестирани на 5 mm (колку дебелината на врвот на пенкалото) од телото и влегуваат во безбедносните стандарди на САД. Исто така, се вклучени и совети за намалување на изложеноста со користење на звучници или hands free – додатоци.
Ова е особено вознемирувачки, бидејќи повеќето родители не се свесни за овие предупредувања и не ја контролираат изложеноста на нивните деца на зрачењето од мобилните телефони. Калифорнија наведува дека RF може полесно да навлезе во мозокот на децата отколку во мозокот на возрасните. Изложеноста, исто така, може да биде поштетна и да има траен ефект врз мозокот во развој. Истражувањата покажаа дека експозицијата на мобилен телефон може да предизвика тумори во мозокот односно деловите од телото, кои се во чест контакт со уредот.
Многу психолози веќе предупредија дека употребата на мобилни телефони може да биде поврзана со лошо внимание и концентрација, ментално здравје и спиење кај адолесцентите
Други студии покажаа силни врски помеѓу RF и бројот на сперматозоиди кај мажите односно квалитетот на спермата. Студиите во неколку земји покажуваат дека мажите кои го држат телефонот во нивните џебови имаат најмала количина сперматозоиди.
Неодамна Франција ги забрани мобилните телефони во основните и средните училишта. Иако целта на забраната првенствено е поврзана со менталното здравје, експертите кои се загрижени поради изложеноста на зрачење, ја поздравија оваа одлука.
