Свесни сме дека консумирањето пијалаци кои содржат кофеин и големи количини на шеќер пред спиење може да предизвикаат несоница. Но знаете ли дека постојат пијалаци, кои имаат сосема спротивен ефект и освен што можат да го поправат сонот, го регулира нивото на шеќер во крвта и го забрзуваат согорувањето на мастите во телото?
Немирен, плиток и испрекинат сон има големо влијание врз состојбата на нашиот организам
Поради тоа недостатокот на сон е тесно поврзан со зголемување на телесната тежина и зголемена желба за храна, хормонални промени, лошо расположение и зголемување на нивото на шеќер во крвта.
-
Освен стрес и болести, на сонот влијаат и нашите секојдневни навики во исхраната, особено храната и пијалаците кои ги консумираме пред спиење.
Во продолжение – три пијалаци со кои можете лесно да стигнете до многу посакуваната цел – убав сон и губење на вишокот килограми.
Млеко
Млекото се користи од памтивек како еден вид на апаурин пред спиење. Но, освен врз децата, една чаша млеко, исто така, има влијание и врз возрасните. Млекото помага да заспиете побрзо и да спиете подобро, а подобар сон значи помала желба за храна. Исто така, на жените кои се физички активни добро ќе им дојдат протеините од млекото, кои бавно се разградуваат и така ги хранат мускулите.
Чај од камилица
Една шолја чај од камилица пред спиење делува како седатив. Овој вкусен пијалак го стимулира производството на глицин – невротрансмитер кој го опушта нервниот систем и делува како благ седатив. Но, чајот од камилица пред спиење ја регулира и телесната температура и така ни помага побрзо и подобро да потонеме во сон, но, исто така, го регулира и нивото на шеќер во крвта, што е од суштинско значење ако сакате да изгубите тежина.
Сок или смути од грејпфрут
Иако овошните сокови не се препорачуваат да се пијат пред спиење, сокот од грејпфрут е исклучок. Само децилитар природен сок од грејпфрут може да ви помогне во текот на ноќта да ги согорите мастите од телото. Овој горчлив пијалак го регулира биолошкиот дневен ритам, а антиоксидантите од грејпот белата маснотија која собира калории ја претвораат во кафеава, која ги согорува калориите.
