Спирулината се вбројува во суперхрана со оглед на тоа дека во себе крие изобилство од протеини, различни аминокиселини и минерали како што се железото, калиумот, бакарот, манганот. Оваа алга својата темнозелена боја му ја должи на хлорофилот кој го потпомага исфрлањето на токсините од телото и го зајакнува имунитетот.
Кога станува збор за дејството врз кожата спирулината има антивоспалително и антиејџ дејство, па така, ако се користи во составот на маските за лице ја забрзува регенерацијата на ќелиите на кожата, ги намалува воспаленијата и го разубавува тенот.
Како да направите маска со спирулина?
Се што ви треба е мед и спирулина во прав. Измешајте една лажица мед со лажица спирулина во прав. Добиената смеса нанесете ја на исчистено лице и врат и оставете ја да делува 20 минути, а потоа измијте ја со млака вода. Откако ќе ја отстраните маската можете да нанесете серум за лице и/или хидратантна крема.
