Кога зборуваме за зависност најчесто мислиме за зависности од опојни дроги, алкохол…, но многу луѓе страдаат и од зависност од храна. Ова е проблем за кој се зборува ретко, а всушност е поврзан со емоциите како што се стрес, тага или лутина.
Со ваков проблем се соочуваат 20 отсто од луѓето во светски рамки, а според досегашните анализи на врвот од листата намирници кои прават зависност е пицата. По неа следуваат чоколадите и чипсот, додека на четвртото и петтото место се наоѓаат сладоледот и помфритот.
Сите пет намирници од кои луѓето се зависни, а кои се наоѓаат на оваа листа содржат висока концентрација на шеќер и незаситени масти, па со самото тоа не се вбројуваат во здрава храна и храна која треба често да се консумира.
