“Вакцините кои ги има во ограничени количини, ќе спасат најмногу животи ако се дадат на лица изложени на голема опасност и ризик од тешка форма на КОВИД и кои се уште не се вакцинирани“, велат експертите во нивниот текст објавен во британското медицинско списание „Лансет“.
“Сегашните податоци не покажуваат потреба за ревакцинација на целата популација, каде што ефикасноста против тешките форми и натаму е висока“, додава групата на меѓународни експерти, која вклучува експерти од Светската здравствена организација и ФДА, како и неколку истражувачки организации од целиот свет.
Можноста за дополнителна, најчесто трета доза за целото население е предмет на жестоки расправи. Во земји како Франција, започна вакцинацијата од трета доза за некои категории на население и тоа за најстарата (шест месеци по вакцинацијата) и лицата со ослабен имунитет.
Овие земји тоа го оправдуваат со пад на ефикасноста против делта варијантата, а се чини дека таквиот пад со тек на времето се засилува.
Некои земји отидоа и подалеку. Во Израел, трета доза е на располагање на сите лица над 12 години, пет месеци по вакцинацијата. САД почнуваат кампања за дополнително вакцинирање, почнувајќи од 20. септември, почнувајчи со највозраасното население.
Но, СЗО повеќепати го отфрли принципот за дополнителна доза за целото население и смета дека мерката не е научно заснована и ја нагласува нееднаквоста со сиромашните земји. Експертите чија статија е објавена во Лансет сметаат дека, дури и ако нивото на антитела со тек на времето се намали кај вакцинираните лица, тоа не значи дека вакцините се помалку ефикасни против тешки форми на болеста.
Тие нагласуваат уште еден вид на имунолошкиот одговор, клеточен имунитет, што е потешко да се измери.
Притоа, тие препорачуваат развој на дополнителни вакцини специјално дизајнирани за резистентните варијанти што може да се појават во иднина, наместо да користат дополнителни дози на постоечките вакцини.
