Постојат повеќе од 100 видови на карцином, а според Националниот институт за рак на САД, “2022 година околу 1,9 милиони луѓе ќе имаат дијагностицирано рак во САД“. Не постои единствена причина за рак, но факторите како генетиката, еколошките и здравствените навики играат голема улога.
“Карциномите се меѓу првите три водечки причини за смрт во САД и водечка причина за смрт на глобално ниво. За среќа, многу видови на рак може да се откријат порано, а неколку видови може рано да се спречат преку промени во секојдневните рутини и начинот на живот“, вели д-р Јагдиш Кубчандани, професор по јавно здравје на Универзитетот Ново Мексико.
- Пушење и консумирање алкохол
Д-р Кубчандани вели: “Повеќе од една десетина од возрасните во САД моментално пушат, а повеќе од една милијарда луѓе ширум светот се редовни пушачи. Пушењето е поврзано со многу здравствени проблеми (на пр. срцеви заболувања), но особено е поврзано со широк спектар на видови на рак. Намалувањето на пушењето тутун или откажувањето од пушењето може да има големо влијание врз намалувањето на ризикот од овие видови на рак. Слично на тоа, избегнувањето на пасивното пушење може значително да го намали ризикот од рак. Често се зборува за здравствените придобивки од одредени видови алкохол, но долготрајното и прекумерно консумирање алкохол е поврзано и со различни видови на рак.
- Зрачење
Д-р Кубчандани наведува: ‘“Ултравиолетовото или јонизирачкото зрачење се многу често во близина на луѓето. Овие зрачења ги оштетуваат нашите клетки и ДНК, предизвикувајќи абнормална клеточна репродукција, односно рак. Солариумите се чест извор на такво оштетување на клетките на човечкото тело, особено во случај на рак на кожата (слично на прекумерното изложување на сонце)“.
- Консумирање месо
“Не сите видови месо се опасни или поврзани со рак“, нагласува д-р Кубчандани. “Тоа зависи од видот на месото, адитивите и начинот на готвење. На пример, одредени токсични хемикалии како што се полицикличните ароматични јаглеводороди, кои ги оштетуваат механизмите за репродукција на нашите клетки, се произведуваат кога мускулното месо се готви на многу високи температури (на пр. пржење во тава или печење на жар, директно на пламен). Ограничувањето на консумирањето на црвено и преработено месо може да додаде и други здравствени придобивки“.
