Повеќе од еден милион луѓе во светот секојдневно се заразуваат со сексуално преносливи болести, а најмногу загрижува стапката на заразени со кламидија, гонореја, трихомонијаза и сифилис, објави Светската здравствена организација.
„Поголем дел од инфекциите се излечиви и можат лесно да се спречат, но одделни болести, особено гонорејата, развиле посебно отпорни облици, кои се потешко се лечат со антибиотици“, се наведува во извештајот на СЗО.
Извештајот направен врз основа на последните достапни глобални податоци од 2016 година, покажува дека меѓу мажите и жените на возраст од 15 до 49 години, се појавиле 127 милиони нови случаи на кламидија, 87 милиони на гонореја, 6,3 милиони на сифилис и 156 милиони случаи на трихомонијаза.
