Светската здравствена организација во својот годишен извештај објави дека за прв пат во светски рамки е забележан пад кога станува збор за бројот на машки пушачи. СЗО истакнува дека ова е огромна промена, а анкетите и статистиката покажуваат дека добар дел од мажите имаат намера да ја сведат на минимум или целосно да ја искоренат оваа навика во текот на следната, 2020 година.
Се проценува дека милион мажи во 2020 година потполно ќе престанат да пушат, а до 2025 година во светски рамки би можело да има дури за 30 отсто помалку пушачи. Ризиците од оваа навика се огромни, а како последица на оваа штетна навика годишно умираат околу 8 милиони луѓе.
