Истражување на Универзитетот Бригхам Јанг покажало дека спорото јадење и контролата на порциите може да влијае на процесот на стареење. Научниците заклучиле дека процесот на стареење се успорува кога рибозомите (клеточни супермолекулни структури чија улога е синтеза на протеините) имаат повеќе време за опоравување. Исто така, нивната поспора продукција може да помогне во тоа.
Тие спровеле истражување на две групи глувци. На првата групата и дозволиле неограничен пристап до храна, додека кај другата група го редуцирале вкупниот внес на калории на 35 %, но при тоа биле задржани сите важни хранливи состојки за преживување.
„Кога се намалува количината на калории, се случува речиси линеарно зголемување на животниот век. Тоа е затоа што таквата рестрикција предизвикува биохемиски промени во организмот кои ги успоруваат и намалуваат симптомите на стареење“, велат стручњаците од Универзитетот Бригхам Јанг.
Освен тоа се покажало дека групата на глувци чиј внес на калории бил ограничен, била поенергична и страдала од помалку различни болести, а тоа е затоа што редуцираните калории ги направиле поуспешни во владеењето со своето тело.
Храната не е само нешто кое ќе се разгради. Таа ни покажува, велат научниците, како нашето тело на нешто реагира и, секако, би требале да обрнеме внимание на сигналите кои се појавуваат поради храната.
Кога рибозомите почнуваат да пропаѓаат на организмот му е важно да ги поправи за да дојде до производство на висококвалитетни протеини кои се неопходни за здрав живот.
Но научниците нагласуваат дека луѓето не треба да почнат со броење на калориите и да очекуваат дека вечно ќе бидат млади. Исто така, броењето калории никако не смее да поприми елементи на опсесија со оглед на тоа дека може да предизвика само контра ефект.
