Еден од најдобрите спортови во случај на проблеми со коленото е пливањето, и тоа пливање краул стил. Одбегнувајте градно со оглед на тоа дека кај оваа техника често се јавуваат болки во колената. Потоа тука е возењето велосипед кое ги зајакнува мускулите околу колената, особено квадрицепсот кој обезбедува стабилност на колениот зглоб.
Сепак, за да одбегнете дополнителни проблеми со колената мошне е важно пред возењето да се загреете, опремата да ја прилагодите на сопствениот тело (на пример, висината на седиштето) и да не претерувате – престанете во случај на појава на болка.
Често се случува личностите кои патат од болки во колената (на пример, кај артроза на колениот зглоб) полека да почнуваат помалку да се движат. Меѓутоа за зглобовите и воопшто за мускулатурата мошне е важно да бидеме физички активни. Доколку не можете да се бавите со пливање или возење велосипед, тогаш барем редовно пешачете. Барем 20 минути шетање дневно би требало да ја подобри вашата состојба, а постепено обидете се да го зголемите траењето на прошетката.
