За време на постудените месеци, многумина мечтаат за лето и безгрижни денови на плажа, а некои се подготвени да отпатуваат во некои потопли краеви за да ја преживеат зимата некаде каде им е малку поудобно. Но, колку и да се пријатни летните денови, во некои моменти температурите можат да станат превисоки, поради што може да се појават здравствени проблеми.
Начинот на кој луѓето реагираат на топлина навистина може да варира. Во некои случаи високите температури може да предизвикаат нетолеранција на топлина – тогаш веќе телото станува прегреано поради пораст на температурата во околината, наведуваат лекарите. Во други, потешки случаи екстремната жештина исто така може да доведе до болести предизвикани од топлотниот бран, како што се топлотни грчеви, топлотна исцрпеност и топлотен удар.
Нашиот организам реагира така бидејќи едноставно не сме создадени за тоа да издржиме екстремна жештина. “Нашите тела се дизајнирани така да имаат постојана температура и поради тоа сме хомеотерми“, вели д-р Ерик Аксен.
Од таа причина, регулаторниот систем на телото мора да ја одржуваат оваа постојана, оптимална температура од околу 37 степени Целзиусови, што е клучно за функционирањето на нашите органски системи.
За жал, кога разни здравствени проблеми или екстремни ситуации во животната средина го попречуваат нашиот регулаторен систем, може да се прегрееме, што може да доведе и до хипертермија.
Поради тоа треба да се обрне внимание на тие симптоми, особено ако сте со поголем ризик од интолеранција на високи температури.
Постојат ли симптоми на интолеранција на топлина?
Еден вообичаен знак на интолеранција на топлина е поинтенизвно потење, вели д-р Шантел Стракан, интернист во Медицинскиот центар Ирвинг при Универзитетот Колумбија. Меѓутоа, интолеранцијата на топлина кај некои луѓе може да се манифестира како нешто повеќе од самото екстремно потење. Иако може да се разликува од лице до лице, д-р Стракан вели дека некои од вообичаените знаци ги вклучуваат следниве симптоми:
- Зголемено потење
- Лесна несвестица
- Прекумерен замор
- Забрзано дишење
- Зголемен пулс
- Мачнина
- Промени во расположението
- Главоболка
- Намалена концентрација
Ако страдате од нетолеранција на топлина, може да се чувствувате прегреано, но другите околу вас во слично окружување не се чувствуваат исто, објаснува д-р Наташа Бујан.
Секако, многу од овие симптоми се однесуваат на други состојби, па разговарајте со вашиот лекар ако не сте сигурни дали за тоа е виновна нетолеранцијата на топлина.
Постојат неколку други ризик фактори кои исто така може да ве направат почувствителни на нетолеранција на топлина, особено ако се работи за дете или постара личност, ако имате седечки начин на живот или сте имале повреда на ‘рбетниот мозок.
Одредени медицински состојби, како што се мултипла склероза и дијабетес, исто така може да предизвикаат нерегулација на внатрешната контрола на температурата, изложувајќи го тоа лице на поголем ризик од нетолеранција на топлина.
Покрај здравствените состојби и навики, д-р Аксен вели дека поминувањето на подолг временски период во подрачје на жешка клима со изразено висока или ниска влажност, на голема надморска височина или со долготрајно изложување на сонце може да предизвика да кај лицето се развие интолеранција на топлина. Тоа е уште понагласено доколку не носи соодветна облека или не пие доволно вода.
