Сода бикарбоната е позната по тоа што има широка примена како во домаќинството така и во готвењето, но одлична е и за нега, како и решавање некои помали здравствени проблеми. Сигурно сте чуле дека се додава во разно-разни јадења, дека може да се користи за чистење на куќата, но можеби не знаете дека можете и треба да ја ставате на косата. Има одлично влијание на косата, а може да се користи при редовното миење. Евтина е, безбедна за употреба и секој може да си ја дозволи. Ја чисти вашата коса и прави да изгледа здраво. Доколку се уште не сте скептични, ова се само некои од предностите за употреба на сода бикарбоната во одржувањето на косата.
Ги отстранува остатоците од некои други производи
Содата може да ги исчисти остатоците од некои други препарати, како што е шампон, балсам или спреј кои може да направат вашата коса да изгледа масно.
Го отстранува хлорот
Ако сакате да пливате, знаете дека хлорот негативно влијае на вашата коса, па дека дури може и да и ја смени бојата. Содата помага во отстранувањето на хлорот од скалпот.
Го помага растот на косата
Содата може да ја исчисти подобро од шампонот и воедно да и помогне да расте побрзо и поздраво.
Направете сами свој сода-шампон за коса
Се што треба да направите е да измешате вода и сода во малечко шишенце. Колку повеќе коса имате толку повеќе од оваа смеса ќе ви треба. За коса со средна должина (до рамена) користете 1 лажица сода и 6 лажици вода. Можете да користите сода и на мокра, но и сува коса. Оваа смеса прво втријте ја во коренот, па потоа одете кон краевите. Оставете да делува неколку минути, па потоа измијте со топла вода.
