Нападите на паника можат да се појават без никаков јасен повод и во различни ситуации, иако вообичаено е лицето кое ги доживува да е изложено на некоја форма на стрес во таа фаза од животот. По првиот напад, луѓето обично минуваат низ медицински испитувања по кои се утврдува дека се здрави, но доживеале паничен напад. Нападите често ќе се повторуваат на многу сличен начин, во слични, но и во сосема различни ситуации.
Психологот д-р Даниел Форши го опишува нападот на паника како наплив на интензивни чувства кои кулминираат за само неколку минути.
Може да почувствувате прескокнување или забрзано чукање на срцето, потење, треперење, болка во градите, мачнина, вртоглавица или трнење во нозете и рацете. Може да се јави и чувство дека сте одвоени од телото но и од реалноста. Сето ова звучи страшно, а ќе го потврди секој кој барем еднаш доживеал напад на паника.
Иако епизодата на нападот завршува за 20 минути, тешко е да се доживее. Ова се 3 различни методи кои можете да ги користите за да спречите напад.
ДИШЕТЕ НИЗ ДИЈАФРАГМАТА
“Паничниот напад ве става под психолошки стрес бидејќи мозокот верува дека во тој момент му треба заштита“, вели д-р Форши. Тој додава дека една од многу ефикасните методи за олеснување на ситуацијата е дишењето низ дијафрагма, а ќе помогне бидејќи во текот на нападот телото се грчи, останувате без воздух, речениците се кратки и дишите плитко.
Токму таквиот начин на дишење испраќа сигнали до мозокот дека е во опасност и самиот процес станува уште потежок. Ако дишите на предложениот начин, му испраќате сигнал на мозокот дека сте безбедни и опуштени, што ќе го смири, па телото ќе се опушти знаејќи дека не мора да биде во состојба на подготвеност.
МЕНУВАЈТЕ ГИ МИСЛИТЕ
“Кога некој ќе доживее напад на паника, мозокот вели дека од нешто се плашиме. Наместо да им дозволите на мислите да се вртат во круг, вие прекинете ја таа негативна низа и себеси зборувајте си го спротивното. Се лежи во организацијата на мислаите. Ако сте исплашени, повторувајте си во себе дека ќе помине и дека не сте во животна опасност.
ОСВЕСТЕТЕ КОИ СИТУАЦИИ СЕ ТРИГЕРОТ
Лицето кое ќе доживее паничен напад го доживува тоа многу интензивно и може да почне да се плаши од такво искуство. Така живее во страв од паничен напад, а кога ќе се повтори и самиот страв од секој иден напад станува се посилен и знае да стане уште посилен.
“Лицата кои страдаат од напади на паника често избегнуваат места, луѓе и активности кои се поврзани со напад на паника“, додава психологот. На пример, ако сте доживеале епизода во ресторан, може целосно да избегнувате одење на вечера. Или ако сте доживеале напад во автомобил, можно е денес да се возите исклучиво со автобус.
Токму тоа е погрешно однесување бидејќи мозокот мора да се соочи со проблемот за да стекнете самодоверба доколку се случи нов напад. Соочувајте се со ситуациите додека не престанат да предизвикуваат закана. Стручњаците како добро решение за изложување на ситуации советуваат когнитивно-бихејвиоралната терапија на која лицето најпрво ќе се соочи со оние ситуации кои предизвикуваат ниско ниво на вознемиреност, се додека не биде подготвено да се вклучи во оние ситуации кои предизвикале интензивна непријатност и страв. Таквото постепено изложување помага да се сфати дека нападите на паника можат да се надминат и да се прифати дека анксиозноста е состојба во која едноставно сите повремено се наоѓаме.
