Зголемениот крвен притисок е болест на модерното време, а поврзан е со зголемен стрес, недостаток на сон, дебелина, солена храна, пушење и зголемено консумирање алкохол. Кај секој човек постојат моменти кога има зголемен крвен притисок. Под дејство на стрес или прекумерна физичка активност, мускулите се напрегаат, а крвните садови се стеснуваат, па притисокот расте. Што треба да се стори за притисокот да се врати во нормала. Јасно е дека треба да се опуштат мускулите, но како?
Лекарот на московскиот фудбалски клуб „Спартак“ Лу Хун Сен ја открива тајната на кинеската медицина.
Точка број 1.
Ова всушност и не ни точка, туку линија и таа поминува зад ушната ресичка, па се протега се до средината на клучната коска. Оваа линија не треба ни да се притиска ни да се масира, туку полека да се милува, со речиси незабележливо движење на раката од горе кон долу, едвај допирајќи со прстите. Повторете го ова 10 пати од едната страна, па преминете на другата, исто така, 10 пати.
Точка број 2.
Оваа точка се наоѓа на делот од лицето на нивото на ушната ресичка на оддалеченост од половина сантиметар од увото во насока кон носот. Треба да се масира со врвовите од прстите по 1 минута од двете страни на лицето, наизменично. Притискајте силно, но никако до болка. Не е важно дали е во насока на стрелките на часовникот или не, важно е да имате чувство на притисок на одредена точка.
После овој едноставен третман крвниот притисок ќе се врати во нормала. Како што вели Лу Хун Сен, она што е важно е правилниот проток на крв!
Кинеската медицина смета дека најважната работа е правилниот проток на крв до мускулите и ткивата. Ако некаде во организмот доаѓа до стагнација на крвта, тогаш на тоа место почнува развојот на болести. И обратно – ако се обезбеди соодветен проток на крв, организмот ќе биде во состојба брзо да се опорави. Затоа масажата на клучните точки е од исклучително значење.
