И само така, уште една година е зад нас… И додека во сеќавањата ги прелистуваме и добрите и лошите моменти од пандемиската 2021, размислуваме и за тоа дали 2022 сепак ќе биде подобра?
Поинаква, едноставна, поздрава, по примерот на оние пред почетокот на пандемијата. Барем од она колку досега го запознавме КОВИД-19, јасно ни е дека одговорите никој не може да ги знае, се останува на претпоставки. Но, секој од нас може новата година да ја почне да подобар и поквалитетн начин и тоа со мали чекори кои на животот можат да му дадат сосема нова смисла и цел.
Наместо некоја новогодишна одлука, која секогаш значи дека на некое ниво не сме задоволни со себе и треба да се менуваме… овој пат “одлучете“ да се прифатите себеси токму такви какви што сте. Ако баш морате да имате некоја одлука, нека тоа биде да престанете да се споредувате.
Речиси секогаш себеси се споредуваме со некој или нешто. И тоа не би било проблем доколку најлошиот дел од себе не го споредуваме со најдобриот дел од друг. Тоа е како “утринскиот“ изглед да го споредиме со нечија вечерна гламурозна појава.
СФАТЕТЕ ЈА ОВАА ИЛУЗИЈА.
И таа има “утрински одраз“, токму како што и вие имате гламурозен…
Засакајте се себеси без споредби. Нив користете ги само како мерка колку повеќе се сакате. Бидејќи ако се засакаме точно такви какви што сме сега, тоа станува наша најдобра животна одлука, која секогаш не води и до најдобрата верзија на самите нас.
- Поставете си реални цели
- Грижете за себе на нов начин
- Вежбајте дарежливост
- Бидете благодарни
Тимот на ПАНАЦЕА и во годината која само што не дошла, реално ќе ве информира, ќе се грижи за вашето здравје, ќе ви помага да слушнете што ве советуваат лекарите, а ние сме ви благодарни што не читате, поддржувате и ни верувате!
СЕКОЕ ДОБРО И СРЕЌНА НОВА 2022 ГОДИНА!
