Спротивно на она што можеби сте го слушнале, всушност постои начин да се поправи „скршено срце“ – но решението можеби не е она што го очекувате.
Научниците развија мека роботска направа која се имплантира, се врти околу срцето и го стиска за да им помогне на оштетените или неисправни органи правилно да „пијат“ крв.
„Комбиниравме цврсти потпори со меки роботски активатори за нежно, но цврсто да и помагаат на болната срцева комора да пумпа крв ефикасно“, изјави хирургот Николај Васиљев од Детската болница во Бостон.
Уредот се темели на роботскиот ракав кој Васиљев и неговите истражувачи го открија порано во текот на годинава, што на сличен начин го опфаќа срцето и помaга да се одржи постојана циркулација на крвта во остатокот од телото.
Уредот досега се покажа успешен кај свињите, а истражувачите од Бостонската детска болница се надеваат дека ќе може да го користат кај лица со срцеви заболувања во блиска иднина
Новиот уред се состои од три дела: рамка во „C“ – облик, која оди околу срцето, сидро кое влегува во срцето за да ја држи рамката на место и мека гумена лента која го реплицира мускулот. Неговата предност е во тоа што може селективно да помогне на левата или десната комора на срцето – способност која би можела да помогне да се спаси животот на пациент со срцеви заболувања кои влијаат само на едната страна на органот.
