Лицата со прекумерна телесна тежина имаат поголем ризик од смрт од рак на панкреасот, особено ако имале прекумерна телесна тежина пред 50. година, укажува нова студија.
Поврзаноста помеѓу смртта од рак на панкреас и прекумерната телесна тежина била најизразена доколку некоја личност имала прекумерна телесна тежина во 30. и 40. години од животот.
Инаку, во САД помеѓу 2000 и 2015 година стапката на зачестеност на ракот на панкреас пораснала за над 15%. Овој вид на карцином во моментот е трета водечка причина за смртност во САД. Една од причините поради која ракот на панкреас е толку смртоносен е таа дека често се открива веќе во поодминат стадиум.
Болеста ретко предизвикува забележливи симптоми, а исто така не постојат и ефикасни тестови за скрининг.
Но, треба да се истакне дека може да се променат неколку ризик фактори за рак на панкреасот, како пушењето, зголемената телесна тежина и изложеноста на хемикалии на работното место.
Според мислењето на стручњаците, оваа студија покажува јасна поврзаност помеѓу дебелината кај пациенти помалди од 50 години и зголемениот ризик од смртност од рак на панкреасот. Интересно е дека ова истражување покажало дека дебелината нема такво влијание во повозрасниот животен период.
