Некои од правилата кои порано важеа за периодот на бременост повеќе не се актуелни. Во моментот кога ќе дознаете дека сте бремени и кога тоа ќе го соопштите на кругот на луѓе околу вас, сите ќе почнат да ви „солат“ памет. Се разбира, некои совети се добредојдени, но некои се вистинска заблуда.
Треба да разберете дека вашето тело извршува многу важна работа за време на бременоста, затоа не можете да се однесувате како да не се случува ништо. Периодот од девет месеци е идеален да се одморате кога ќе посакате, односно секогаш кога ќе почувствувате замор. Не заборавајте дека кога ќе се породите, ве чекаат полни раце работа, па затоа уживајте додека можете.
Може да вежбате за време на целата бременост
Старите правила велеа дека секоја физичка активност треба да се избегнува за време на бременоста. Но ова не важи денес. Ако годините, вашето здравје и состојба ви дозволуваат да вежбате, вежбајте за време на целата бременост! Тоа не значи дека треба да се впуштате во сите видови на вежби.
Треба да се избегнуваат вежбите кои бараат напрегање на грбните и стомачните мускули, како што е трчањето. Исто така, избегнувајте спортови кои бараат подигнување на тешки товари, во теретана, бидејќи на тој начин може да ја повредите кичмата или да предизвикате предвремено породување.
Не треба да јадете за двајца
Старите правила велеа дека треба да јадете за двајца. Новите правила велат дека не треба да ја дуплирате количината на храна. Во никој случај не треба да гладувате, туку обидете се да ја поделите вашата исхрана во неколку помали оброци.
Треба да внесувате намирници како што се млекото и јогуртот, каде што има многу калциум, овошје, разновиден зеленчук, а од месо бирајте риба, пилешко и телешко месо.
Може да правите вежби со лесно истегнување, пливање, па дури и лесен аеробик. Правете вежби за дишење – дома или во група, како и вежби за зајакнување на карличниот дел
Идеално е да се поправите околу 12 кг
Старите правила велеа дека кога сте бремени, не мора да размислувате за килограмите. Денеска не е така, бидејќи за здрава бременост е доволно да се здебелите околу 12 килограми. Добивањето килограми треба да оди постепено, а тоа ќе го постигнете со здрава и избалансирана исхрана.
