Светската здравствена организација соопшти дека користењето на плазма од пациенти излекувани од КОВИД-19 се уште го смета за “експериметнална терпија“ и дека прелиминарните резултати кои укажуваат на нејзината можна ефикасност се уште “не се убедливи“, пренесува агенцијата Асошиејтед прес (АП).
Сумја Сваминатан од СЗО наведе дека конвалесцентната плазма е користена како терапија за бројни инфективни болести во текот на минатиот век, со различен степен на успешност.
“СЗО лекувањето со конвалесцентна плазма и натаму го смета за експериментално. Тоа и натаму треба да се следи и проценува“, истакна Сваминатан.
“Освен тоа, терапијата со плазма е тешко да се стандардизира со оглед на тоа дека луѓето произведуваат различни нивоа на антитела и плазмата моеа индивидуално да се собира од опоравените пациенти“, потенцира Сваминатан и додава дека истражувањата биле со многу мал обем и не пружиле квалитетни докази кога се работи за овој начин на лекување на КОВИД-19.
Таа објаснува дека овој вид на терапија земјите може да го користат за лекување на итни случаи, доколку сметаат дека придобивките ги надминуваат ризиците.
Од СЗО напоменуваат дека терапијата со конвалесцентна плазма има бројни несакани дејства, од блага треска и температура до многу сериозни проблеми поврзани со белите дробови.
Од друга страна пак, Американската агенција за храна и лекови (ФДА) вчера издаде итно одобрение за користење на конвалесцентната плазма при лекување на болеста КОВИД-19. Од Агенцијата утврдиле дека “познатите и можни предности на тој производ ги надминува можните и потенцијални ризици кои ги носи неговото користење“.
Според податоците од ФДА, над 70 илјади пациенти се лекувани со овој вид на плазма. За таа терапија да биде ефикасна, потребно е рано да се дијагностицира болеста и да се третира пациентот со плазма која содржи висок процент на антитела.
