Море, сонце, плажа, уживање … – има ли нешто поубаво? Но понекогаш сето ова може да падне во вода, ако се претера со престојот на сонце. Тогаш едноставно не можеме да ги одбегнеме изгорениците од сонце.
Ако се задржувате на сонце, еве на што треба да внимавате:
- Редовно нанесувајте крема за сончање;
- Одбегнувајте го најсилното сонце;
- Полека навикнете ја кожата на сонце;
- Заштитете ги очите;
- Заштитете ја главата.
Овие совети ќе ви помогнат ако и покрај се изгорите:
Ладен туш
Ако ја изладите кожата, ќе ги намалите болките и воспалението. Ладниот туш ја смирува кожата. Повеќе пати на ден на погодените места ставајте ладни и влажни облоги со мраз.
Гел од алое вера
Лосионите кои ладат и ја намалуваат болката помагаат да се смири кожата. Внимавајте кремата да нема алкохол, односно побарајте производ од природни состојки. Гелот од алое вера може да направи чуда, овој гел е особено добар ако ви изгоре лицето.
Кокосово масло
Маслото од кокос ја снабдува кожата со витамин Е и важни состојки и и помага да се регенерира. Освен тоа ја лади и делува противвоспалително. Едноставно нанесете го на погодените места.
Јогурт
И јогуртот (или киселото млеко) и даваат на кожата влага и првенствено ја ладат. Овие облоги се најдобри за смирување на кожата која ќе изгоре. Јогуртот може да се нанесе на лицето и како маска.
Пијте многу течности
Ако изгорите, на телото му треба повеќе течности од обично. Затоа пијте многу вода за таа одвнатре да се бори против изгорениците од сонце.
