Вакви ситуации не се реткост. Меѓутоа, се поставува прашање на што се однесува тој рок. Дали станува збор за период за време на кој лекот делува или е во прашање период по кој тој ист лек може да го загрози здравјето?
Рок на траење
Законот вели дека секој производ со рок на траење, мора на амбалажата да има истакнат датум за периодот на употреба. Тој датум всушност претставува датум до кога производителите гарантираат делување и безбедност на производот. Стручњаците истакнуваат дека постојат малку научни докази дека лекот со изминат рок може да биде токсичен и како таков да биде опасен по здравјето.
Ова не е случај со намирниците на кои им поминал рокот.
По истекот на рокот, на лековите всушност им се намалува дејството, но не постои соодветно објаснување зошто е тоа така.
Меѓутоа, датумот на истек на рокот на употреба кај одредени лекови е поважен отколку кај други. На пример, нитроглицеринот и инсулинот го губат дејството и не треба да се користат по истек на рокот. Ова важи и за антибиотиците во течна состојба, бидејќи не се стабилни како оние во таблети.
- Лековите кои се користат за контрола на висок притисок задолжително треба да се фрлат откако ќе ја променат бојата, наведуваат стручњаците. Оние лекови кои спречуваат создавање на крвни згрутчувања или спречуваат одредени напади, не смеат да се консумираат по истекот на рокот на траење.
- Ако станува збор за лекови против главоболка, доколку им поминал рокот, мали се шансите да ви се случи нешто. Лекот може да има само намалено дејство.
Пред консумирање на било кој лек, сепак проверете го рокот на траење.
