Податоците се собрани од голема студија во која учествувале околу 33.000 лица во Шкотска, чии резултати на ковид биле позитивни. Резултатите всушност се совпаѓаат со оние собрани од мали студии. Од 197 лица кои ја имале инфекцијата и пополниле прашалник и по 12 и 18 месеци, се покажало дека тие сè уште имаат симптоми, се вели извештајот на Nature Communications.
Опоравувањето во периодот од 12 месеци изостанал кај 11 отсто од луѓето, додека 51 отсто делумно закрепнале, а 39 отсто целосно се опоравиле. Асимптоматската инфекција не е поврзана со долготрајните симптоми. Но, кај 31.486 лица со симптоматска инфекција, околу половина од нив не се опоравиле во период од 6 до 18 месеци. Во истражувањето, осум отсто изјавиле дека не закрепнале, 47 отсто делумно се опоравиле, а 45 отсто целосно закрепнале од болеста.
“Нашата студија е важна затоа што дава разбирање за симптомите на долг КОВИД кај општата популација, не само од поединци кои морале да бидат хоспитализирани поради симптоми“, објаснува водачот на студијата Џил Пел од Универзитетот во Глазгов.
Долгиот КОВИД е почест кај пациенти кои биле хоспитализирани и кои се постари, жени и оние со веќе постоечки здравствени проблеми. Најчести симптоми се отежнато дишење, болка во градите, прескокнување на срцето, конфузија и “магла“ во мозокот.
Вакцинирањето пред инфекцијата се покажало како добра заштита од долготранји симптоми, откриле научниците.
ВЕ МАЧАТ СИМПТОМИ НА ДОЛГ КОВИД? НУТРИЦИОНИСТИ ОТКРИВААТ КОЈА ИСХРАНА ПОМАГА
Д-р Грег Ваничкачорн, директор на одделот за КОВИД на клиниката Мајо и д-р Џоан Салге Блејк, нутриционист од Универзитетот во Бостон, ја истакнуваат важноста на правилната исхрана, која ќе има корист за целокупното здравје. Според нив, најдобар избор е медитеранската исхрана која содржи маслиново масло, зеленчук, овошје, јаткасти плодови и цели зрна. Додаваат и дека тоа не значи дека треба да заборавите на месото и протеините, па затоа рибата и белото пилешко месо се добар избор.
Д-р Блејк додава дека нискиот внес на протеини може да влијае на заморот, а тоа е една од работите што не ги сакате затоа што КОВИД и онака ќе ви предизвика замор, па секако треба да внимавате дека јадете доволно храна што содржи протеини. Масната риба како туна или лосос се добар извор на омега 3 масти кои ќе го подобрат кардиоваскуларното здравје. Но, фокусот треба да биде на супер исхрана, а не на суперхрана или намирници. Суперхрана е онаа полна со многу антиоксиданти, влакна и масни киселини, а сите тие се многу добри за здравјето.
