Камала Харис, потпретседател на САД, изјави дека е позитивна на КОВИД-19, а резултатите ги добила преку брз тест. Немала симптомите, но ќе биде во изолација. Ако ви се чини дека познавате многу луѓе кои овие денови се болни, не сте во грешка. Во моментов е активна многу заразна варијанта на вирусот, а како што велат лекарите, таа е насекаде. Иако, Харис примила и втора бустер доза вакцина против коронавирус, нема симптоми. Како да знаете дека имате КОВИД-19 без симптоми и што да направите? Еве што велат новите насоки.
ШТО ЗНАЧИ “БЛАГ“ КОВИД-19?
Досега се чини дека омикрон варијнатата предизвикува поблаги симптоми од претходните. Но, стручњаците велат дека тоа не е зелено светло за целосно опуштање. Кај постарите лица се уште се работи за сериозна болест, и никој не е безбеден, па и ако лицето претходно било заразаено со делта варијантата, појаснува д-р Памела Дејвис, пулмолог.
“Се чини дека омикрон варијантата е помалку сериозна кога се споредува со делта, особено кај вакцинираните лица, но не треба да се категоризира како ‘послаба’. Како и минатите варијанти, омикрон често е причина за хоспитализација, па дури и смрт“, стои на страниците на Светската здравствена организација. Тоа значи дека е особено важно да се биде свесен за потенцијалните симптоми, а сами можете да преземете чекори за да го спречите ширењето на болеста, но и да побарате медицинска помош.
- Кои се денес најчестите симптоми?
Од почетокот на пандемијата, експертите внимателно ги следат симптомите на болеста. Нивните податоци откриваат дека 5-те најчести симптоми на омикрон се многу слични со оние на делта варијантата. Тоа се симптоми слични на настинка, како што се течење на носот, главоболка, кивање, замор и болки во грлото. Оние кои се заразиле со омикрон варијантата често споменувале губење на апетит и “магла“ во мозокот.
- Симптомите зависат и од вакцинацијата
Стручњаците се согласуваат дека ако сте вакцинирани, омикрон ќе предизвика помалку сериозни симптоми од претходните варијанти.
Луѓето кои се вакцинирани, но не примиле бустер вакцина почесто ќе искусат кашлица, температура и многу поголем замор отколку оние кои биле вакцинирани, велат лекарите. Како и со претходните варијанти, лицата кои не се вакцинирани се чини дека доживуваат повеќе симптоми слични на оние од првиот бран, како што се губење здив, вкус и мирис и болки во телото.
КОИ СЕ ДРУГИ ВООБИЧАЕНИ СИМПТОМИ?
Официјално, Центарот за превенција на болести не ја променил листата на вообичаени симптоми и тие вклучуваат:
- Температура и треска
- Кашлица
- Губење на здив и потешкотии со дишењето
- Замор
- Болки во мускулите и телото
- Главоболки
- Губење на вкус и мирис
- Болно грло
- Затнат нос
- Мачнина и повраќање
- Пролив
