Цел ден на работа сте седеле зад компјутер, а чувствувате замор како цел ден да сте копале. Зошто сте изморени, иако не сте се занимавале со физичка активност? Постојат неколку можни објаснувања.
Чувствувате ментален замор. Можеби за време на работниот ден не биле активни мускулите, но мозокот бил. Мозокот е релативно мал во односна остатокот од телото, но користи сразмерно голема количина кислород – дури 20%.
“Мускулите во мирна состојба не трошат многу кислород. Секако, кога вежбате, мускулите трошат повеќе кислород. Но, мозокот секогаш троши многу енергија, вели д-р Стивен Фејнсилвер од њујоршката болница Ленокс Хил.
Затоа сте изморени после работниот ден, дури и ако цел ден сте седеле. Ако целиот ден сте го поминале пред компјутер, големи се шансите во еден момент да го изгубите фокусот и работата да ви стане досадна. Можеби во тој момент ќе погледнете што има ново на социјалните мрежи, бидејќи тоа ќе ви биде поинтересно од она што го работите.
Конфликтот меѓу она што би сакале да го работите и она што треба да го работите, може да предизвика напнатост која резултира со замор. Мајкл Инзлит професор по психологија на Универзитетот Торонто, објавил истражување во кое биле следени 159 студени една недела. Во текот на денот испитаниците запишувале впечатоци за тоа што им бил најголем предизвик, како ја практикувале самоконтролата и дали тоа ги правело заморни.
„Не изненади тоа што бројот на предизвици и пречки од работата е она што најмногу ги замарало. Кога работиме на компјутер, обично отвораме неколку интернет страници со задолжителните социјални мрежи (твитер, фејсбук, инстаграм). Тоа не доведува во искушение да се позанимаваме со нешто друго, а не со работата, што прави да бидеме помалку мотивирани за работа, а што повторно, може да не направи изморени„.
Под стрес сте
Работата е често извор на стрес. Некои видови на стрес се добри, но хроничниот стрес не прави изморени и може да влијае на квалитетот на животот. Затоа е важно да пронајдете начин да се изборите со стресот (помагаат техники на дешење, шетање, па дури и само неколку минути медитацција).. Ова сепак се само краткотрајни решенија, најважно е да ги пронајдете и да ги ублажите изворите на стрес на работа.
Ненаспани сте
Една од главните причини зошто сте изморени по целодневното седење на работа е тоа што не сте доволно наспани преку ноќ. Ако не сте наспани, тешко ви е да се сконцентрирате и да се фокусирате на работата. Интересно е што и премногу сон може да направи да се чувствувате изморено преку денот. Според податоците од американската National Sleep Foundation, на возрасните лица им е потребно околу 7 до 9 часа сон преку ноќта. Природно е заморот да се почувствува околу 2 часот наутро ( кога повеќето луѓе спијат) и околу 14 часот (за време на ручекот). Околу 29% од работниците пријавиле дека се чувствуваат многу поспано преку денот (некои дури и задремуваат), а недостатокот на сон ги чини американските компании 63 милијарди долари годишно заради намалената продуктивнсот на работниците.
