Постојат различни фобии: некои чудни, некои помалку чудни. Но знаете ли како изгледа да се живее со необична фобија – страв од среќа?
Оние кои страдаат од оваа навистина чудна фобија намерно ги избегнуваат работите што им се пријатни и им создаваат задоволство. Се верува дека ова е еден вид на анксиозно пореметување, бидејќи заболените веруваат дека ќе им се случи нешто страшно ако во нешто уживаат.
Стефани Јебоа, блогерка од Лондон, ја открила нејзината фобија кога имала 11 години. „Тоа беше нешто што никому не можев да му го објаснам“
На возраст од 14 години и била дијагностицирана депресија и сметала дека нејзината состојба е поврзана со таа дијагноза. Се додека не ги поврзала симптомите со фобијата, стравот од среќа. Таа тврди дека се чувствува поубаво кога е несреќна отколку кога е среќна.
Не се чувствува пријатно во друштво, одбегнува луѓе, а тешко и е кога ќе постигне успех и тоа треба да го прослави. Лекувањето на овие фобии е доста тешко, бидејќи се поврзува со депресија и нерасположение, а советите како тоа дека се што е убаво во нејзиниот живот треба да го напише на хартија, тврди дека предизвикува спротивен ефект. Единственото нешто што моментално може да го направи Стефани е да не размислува за нејзиниот страв колку што е тоа можно.
