Стивен Хокинг, светски познат физичар, неодамна држеше предавање за црните дупки на Кралскиот институт во Лондон. Интересен е ставот на научникот кој вели дека црните дупки не претставуваат крај и смрт, туку веројатно се пат до другите универзуми. На тој начин може да се набљудува и депресијата.
За време на своето предавање, професорот Хокинг одговараше не само како научник, туку и како „обичен“ човек. Тој даде многу поетски одговор на прашањето како можеме да ги надминеме потешкотиите во животот.
„Дури и во најтемниот час, запомнете: Секогаш постои излез. Можеби и до друг универзум“, порачува Хокинг
Хокинг ја спореди депресијата со црна дупка: „Пораката на ова предавање е дека црните дупки не се црни како што се, на пример, насликани или обоени. Тие не се вечни затвори како што некогаш се мислеше. Сешто може да излезе од црната дупка надвор, како и друг универзум. Значи, ако се чувствувате како да сте паднале во црна дупка, не се откажувајте – постои излез.“
Стивен Хокинг не е само брилијантен научник, туку и човек кој е познат по својата силна волја.
Нему му била дијагностицирана болест на моторните неврони во 1963 година, а лекарите му дале две години живот. Не само што професорот Хокинг преживеа до ден-денес, туку дојде до многу откритија, пишува книги, држи предавања и продолжува да ги инспирира и поттикнува апсолутно сите луѓе.
