Кога не боли стомак, главно заклучуваме дека дека причината се крие во абдоминалната шуплина. Меѓутоа, исто како и болката во градите, виновникот често може да биде од психичка природа, особено ако неретко сме анксиозни и под стрес. Постојат начини како да се разграничат овие два вида на болка во стомакот, а тоа е важно за правилно лекување. Во продолжение ви посочуваме неколку симптоми кои може да укажуваат на вистинската причина за болка во стомакот.
Вагус е најдолгиот кранијален нерв во нашето тело. Се протега од основата на мозокот, надолу по вратот, се шири низ срцето и белите дробови во дигестивниот систем, црниот дроб, слезината и панкреасот. Служи како двонасочна комуникациска патека помеѓу мозокот и цревата. Ги контролира несвесните функции на телото, како што се дишењето, варењето и отчукувањата на срцето. Исклучително е важен за парасимпатичниот нервен систем и ја контролира способноста за опуштање и опоравување од стресот.
Познат е како клучен дел од врската ум-тело, поради што одржувањето на неговиот тон е важно за физичкото и менталното здравје. Неговиот низок тон е поврзан со полошо расположение, анксиозност, воспаление, послаб имунитет и поголема чувствителност на последиците од стресот.
Познат е како клучен дел од врската ум-тело, поради што одржувањето на неговиот тонус е важно за физичкото и менталното здравје. Неговиот низок тонус е поврзан со полошо расположение, анксиозност, воспаленија, послаб имунитет и поголема чувствителност на последиците од стресот.
Серотонин и дигестија
Бавното, ритмичко дишење од дијафрагмата е ефикасен начин за стимулирање на вагусниот нерв и ослободување од стресот. Помагаат смеење, јога или гаргарање со вода неколку пати на ден. Исто така, интересно е да се забележи дека сите функции на вагусниот нерв допрва треба да се откријат.
Значи, она што го доживува мозокот може лесно да влијае на состојбата во стомакот. А за врската помеѓу мозокот и стомакот сведочи и фактот дека поголемиот дел од серотонин, хормонот на среќата, во телото се произведува токму во дигестивниот систем, а помал дел во мозокот. Останува прашањето – како да се препознае дали абдоминалната болка е психолошка или физичка?
Два знака дека болката е психолошка
Болката се засилува кога сте анксиозни. Ако сте забележале дека болката во стомакот се јавува пред лет, важен состанок или после расправија, односно во моменти кога сте под стрес, анксиозни или исплашени, големи се шансите причината за болката да е психолошка. Во овој случај, лекувањето на причината е домен на психолози, психијатри или психотерапевти.
Болката е придружена со чувство на паника. Како и со анксиозноста, нападите на паника може да предизвикаат физичка болка во стомакот. Нападите на паника се карактеризираат со епизоди на неконтролиран страв, придружени со симптоми како што се болка во градите, забрзано чукање на срцето, потење, тремор, но и дијареа.
Знаци дека болката е физичка
Неодамна сте јаделе контаминирана храна. Првата и најочигледна причина за болки во стомакот е расипана или контаминирана храна што неодамна сте ја изеле. Болката може да се појави неколку часа или денови по консумирање на контаминирана храна. Доколку дошло до труење со храна, освен болка во стомакот, чести симптоми се и дијареа, повраќање, грчеви и треска.
Подригнувате или имате гасови. Гасовите во желудникот се јавуваат кога дигестивниот систем има потешкотии да свари одредени јаглеидрати, што предизвикува вишок воздух во дигестивниот тракт. Ова се случува и во случај на нетолеранција на лактоза, болест која се проценува дека влијае на 65% од светската популација.
Интолеранцијата на лактоза предизвикува и надуеност, мачнина и дијареа. Подригнување може да се случи и ако едноставно сте проголтале премногу воздух, додека гасовите може да бидат последица и на други болести на дигестивниот тракт.
Запек и потешкотии со столицата. Доколку чувствувате дека стомакот ви е тврд или имате проблем со запек, можно е нешто да го блокира движењето на храната и течноста низ дигестивниот тракт. Ако овие тегоби се проследени со симптоми како што се губење на апетит или повраќање, задолжително контактирајте го вашиот лекар.
Можете да ја одредите точното место на болката. Одредени состојби имаат специфично место на појавување на симптомите. На пример, воспалението на слепо црвео започнува во пределот на папокот и се шири на десната страна на стомакот. Освен во долниот дел на грбот, болка во бубрезите може да се почувствува и на стомакот во близина на папокот, а острата болка во горниот дел на стомакот е специфична за камењата во жолчка.
Сте земале нестероидни антиинфламаторни лекови на празен стомак. Ако често користите нестероидни антиинфламаторни лекови, како што е ибупрофен, а да не сте јаделе, може да почувствувате болка во стомакот поради воспаление во дигестивниот систем. Болката е најчесто слична на жиговина.
Болката е силна и придружена со висока температура. Овие симптоми се знак за потенцијално сериозна болест на дигестивниот тракт, како што е воспаление на слепото црево или сериозна вирусна инфекција. Во овој случај, неопходно е да се побара помош од лекар.
Причините за болки во стомакот можат да бидат навистина сложени, а можно е и прчината да е психолошка или физичка во исто време, што најчесто е случај со посложени и потешки болести на дигестивниот систем.
