Прекумерното консумирање кисели намирници, како што се овошните чаеви, ароматизираната вода или овошјето, може да биде штетно за забите, покажа нова британска студија.
Научниот тим од лондонскиот „The King’s College“ откри дека пиењето такви пијалаци помеѓу оброците, како и нивното предолго пиење воопшто, го зголемува ризикот од оштетување на забниот емајл. Истражувајќи ги навиките за јадење на 300 луѓе, научниците откриле дека проблемот се зголемува кај оние кои јадат повеќе кисели намирници.
Дури и шолја топла вода со парче лимон е опасна за забите
Овошните сокови, овошните чаеви, диететските пијалаци и пијалаците со многу шеќер и водата со вкус се намирници кои може да го оштетат емајлот на забите. Нивното „пијуцкање“ или подолготрајно чување во уста пред голтање го зголемува ризикот.
„Ако ги пиете долго време, повеќе од пет минути, или ако си „играте“ со храната во устата, односно јадете парчиња овошје подолго време – сите овие работи можат да ги оштетат вашите заби“, вели авторката на истражувањето д-р Саир О’Тул.
