Фибромиjалгијата се карактеризира со долготрајна болка во мускулите и зглобовите, чувствителност, како и изразен замор и малаксалост. На почеток, оваа болест се сметала за ментално пореметување, а пред 15 години Светската здравствена организација ја признала фибромијалгијата за физичко заболување. Причините не се познати, а до дијагнозата се доаѓа многу тешко. Доколку имате некои од овие симптоми, можеби страдате од фибромиалгија.
Зголемена чувствителност
Сензорите за болка на кожата се чувствителни кај лицата кои имаат фибромијалгија. Доколку облеката ви е потешка од обично, ве боли телото на секој допир, или кога ќе се удрите чувствувате неподнослива болка со часови, време е за узбуна.
Болка без причини
Многумина кои страдаат од оваа болест велат дека чувствуваат болка без никаква причина, која започнува на еден дел од телото, а потоа се шири насекаде.
Главоболка
Неподнослива мигрена која тера на повраќање и мачнини, може да биде симптом за фибромијалгија.
Температурни промени
Промените во температурата, лицата со фибромијалгија ги чувствуваат многу поинтензивно отколку другите. Доколку ви е секогаш студено, тоа може да биде еден од знаците за ова заболување.
Тешкотии во концентрацијата
Неможноста за концентрација или чувство дека мислите ви се заматени, е еден од симптомите за фибромијалгија познат под името „фибро магла„.
