Се проценува дека 30 проценти од возрасната популација страда од несоница, а нова студија дугерира дека зад тоа, во еден дел може да биде одговорна и исхраната. Имено, се покажало дека жените во постменопауза кои консумирале повеќе рафинирани јаглехидрати имале поголема веројатност дека ќе страдаат од несоница или инсомнија. Жените пак кои повеќе консумирале зеленчук богат со влакна и вода, имале помала веројатно дека ќе имаат проблеми со спиењето.
Треба да се истакне дека кога шеќерот брзо ќе се зголеми, телото ослободува инсулин, што резултира со пад на нивото не шеќерот во крвта и ослободување на хормони како адреналин и кортизол, кои може да го попречат сонот.
Несоницата често се лекува со когнитивно бихевиорална терапија или лекови, но тие може да бидат скапи и да имаат нуспојави. Со идентификацијата на причините кои доведуваат до несоница, може да се пронајдат едноставни и евтини начини на превенција со помалку потенцијални нуспојави, истакнуваат стручњаците.
