Во текот на оваа есен особено е важно да се внимава на сопственото здравје, бидејќи се бориме и со епидемија на коронавирус и со грип. КОВИД-19 примарно се пренесува од лице на лице преку респираторни капки кои се излачуваат од телото со кивање или кашлање.
Фредерик Шерман, професор на Медицинскиот факултет Mount Sinai советува како да се однесувате кога некој во ваша близина ќе кивне или ќе се закашла.
“Веднаш издишете за да избегнете вдишување на капките или аеросолите. Стиснете ги усните со цел издишувањето да трае подолго. Свртете ја главата целосно од лицето и почнете да одите“, советува проф. Шерман.
Оваа метода не ве штити во целост од зараза со коронавирусот, но може да ја намали количината на вирусот на која сте изложени ако лицето кое во ваша близина кивне или се закашла е заразено.
