За да постигнете завидна линија прво мора да откриете каков стомак имате. Малите промени во вообичаениот ритам на живеење, менувањето на прехранбените навики или начинот на работа секогаш влијаат на човековото тело создавајќи масни наслаги на одредени делови. Кога ќе откриете зошто дошло до насобирање на маснотии на подрачјето на стомакот можете да почнете со нивно активно отстранување.
Стомак од стрес
Ваков стомак, како што имплицира и самото име, се појавува само заради стрес. Повеќето маснотии се наоѓаат веднаш под градите и околу папокот, а желудникот на допир е доста тврд. Ако имате ваков стомак морате да го отстраните стресот, да ја ограничите консумацијата на кафе и да јадете храна која содржи магнезиум.
Стомак од хормони
Ако стомакот изгледа како перница од сите страни, мек е на допир и маснотијата се наоѓа во долниот дел тоа значи дека имате хормонски стомак. За да се ослободите од ваквиот стомак треба да го ограничите консумирањето на масна храна и да јадете повеќе авокадо, риби, јаткасти плодови и јајца.
Стомак од надуеност
Ваков облик се јавува заради лоша исхрана, нетолеранција на одредени намирници или некои видови алергија на храна. Кај овие случаи наутро стомакот е рамен, а во попладневните часови се дуе поради премногу гасови во цревата. Најдобар начин да се спасите од ваков стомак е да почнете редовно да тренирате. Акцент се става на кардио вежбите со кои на телото треба да му осигурате квалитетен сон, а не е лошо да проверите дали сте интолеранти на некоја храна.
Стомак од алкохол
Овој стомак се појавува кај лицата кои се склони на редовно консумирање алкохолни пијалаци. Ако пиете многу пиво или поголеми количества други пијалаци, може да ви се создале маснотии во стомакот, особено на мажите. Ваша задача е да ја ограничите консумацијата на алкохол и да јадете повеќе овошје и зеленчук.
Стомак после бременост
Ако имате таков стомак, веројатно, не така одамна сте родиле дете. После породувањето не е лесно да се врати линијата затоа што имате многу обврски околу детето, па немате време за себе. Она што можете да го направите е барем на дневното мени да додадете риба, ореви, маслинки, здрави масла и други намирници кои содржат добри маснотии.
