Строгите диети и недоволниот внес на храна воопшто можат да доведат до проблеми со спиењето, додека, од друга страна, недостатокот на сон на подолг рок може да влијае на зголемување на телесната тежина и појава на инсулинска резистенција.
Неадекватната исхрана лошо влијае на квалитетот на сонот, додека истовремено неповолно се одразува и на расположението. Имено, одделни истражувања спроведени на животни и на луѓе покажале дека пренискиот внес на калории предизвикува испрекинат сон и намалување на траењето на длабокиот сон во текот на ноќта.
Едно четиринеделно истражување во кое учествувале 10 млади жени, исто така, покажало дека строгите диети го скратуваат траењето на длабокиот сон, како и дека на учесничките кои недоволно јаделе им требало повеќе време навечер да заспијат.
