Откако се произведуваат тампоните ги решаваат сите практични проблеми познати на секоја жена во деновите на менструацијата. Благодарение на нив може да се плива, спортува, да се носат тесни панталони, па дури и бикини. Особено се актуелни во летниот период, кога жените почесто ги користат бидејќи се попрактични од хигиенските влошки. Но дали смеат да се користат во текот на ноќта?
Првото и најважно правило при употребата на тампони е редовно да се менуваат, а тоа значи на секои четири часа.
Користењето на тампони во текот на ноќта, односно за време на спиењето, НИКАКО не се препорачува, бидејќи тампонот останува предолго и се зголемува ризикот од инфекции. Тампонот кој се користи е совршен терен за размножување на бактериите кои и инаку живеат во вагината и чекаат погоден момент да „пламнат“, објаснуват гинеколозите.
Покрај тоа, продолженото користење на ист тампон може да предизвика и синдром на токсичен шок, чии симптоми се висока температура, осип, повеќекратно зафаќање на органите, кое може брзо да напредува до тежок и непоправлив шок.
Токму затоа, на жените кои користат тампони им се препорачува истите да ги заменат со хигиенски влошки за време на спиењето.
Што претставува синдром на токсичен шок
Синдромот на токсичен шок се јавува кога тампонот останува во вагината подолго од препорачаното време (четири часа). Во принцип, најчесто до ова може да дојде доколку истиот тампон не се промени подолго од 24 часа. Причината е ослободување на токсини, кои ги излачува бактеријата наречена златен стафилокок, која е инаку жител на нашиот организам. Почетните симптоми се треска, треперење, покачена температура, а сето тоа се јавува како последица на пробивот на наведените токсини во крвотокот, а подоцна и настанување на сепса. Состојбата може да биде многу тешка доколку веднаш не се препознае и лекува, а може да има и фатален исход.
