Тим на стручњаци од Медицинскиот центар Columbia University Irving во Њујорк, една од болниците во САД каде се лекуваат најголем број на заразени пациенти со новиот коронавирус, ги обработил сопствените искуства и собрал извештаи од други медицински тимови ширум светот.
Сеопфатната клиничка слика покажала дека коронавирусот го напаѓа речиси секој главен систем во човечкото тело. Се покажало дека директно ги оштетува органите, предизвикува згрутчување на крвта, пропуштање крв и протеини во бубрезите, го пореметува срцевиот ритам, предизвикува осип на кожата, предизвикува главоболка, вртоглавица, болки во мускулите, болка во желудникот и други симптоми со веќе познатите класични респираторни симптоми како кашлица и температура.
“Лекарите за КОВИД-19 треба да размислуваат како за повеќесистемска болест. Има многу нови вести за згрутчувања, но исто така е важно да се сфати дека значаен дел од тие болни страдаат од оштетувања на бубрезите, срцето и мозокот, а лекраите тие состојби мораат да ги лекуваат заедно со респираторните тегоби“, наведува во изјавата д-р Акрити Гупта, кардиолот од Универзитетот Колумбија кој работел на прегледот на извешатите.
Голем дел од штетата предизвикана од вирусот, се чини дека се должи на неговиот афинитет кон рецепторот ACE2, своевиден молекурален влез во клетките. Со овие рецептори се прекриени клетките кои ги прекриваат крвните садови, ги има во бубрезите, каналите во црниот дроб, панкреасот, цревниот тракт и слузницата на дишните патишта, што коронавирусот може да го искористи за прикачување на клетките и нивна инфекција, напишал во прегледот медицинскиот тим од Универзитетот Колумбија, кој е објавен во списанието Nature Medicine.
“Наодите сугерираат дека оштетувања на повеќе органи може да барем делумно да се појават поради директното оштетување на ткивото од вирусот“, објаснуваат од стручниот тим.
Инфекцијата со новиот коронавирус го активира и имуниот систем, а како дел од тој одговот се јавува и производство на воспалителни протеини кои се нарекуваат цитокини. Ова воспаление може да ги оштети клетките и органите, а таканаречената цитокинска олуја е една од причините на потешки симптоми на болеста.
“Овој вирус е необичен и тешко е да не се биде импресиониран со сите тие негови манифестации на човечкото тело“, наведува д-р Махеш Мадхаван, друг кардиолог кој работел на прегледот на извештаите од заразени пациенти.
Згрутчувањето на крвта може да биде предизвикано од неколку различни механизми, а веројатноста за згрутчување, веруваат научниците може да го зголеми и ниското ниво на кислород во крвта предизвикано од воспалението на белите дробови. Тие крвни згрутчувања може да предизвикаат срцев или мозочен удар, но може и да се заглават во белите дробови или во нозете. Може да доведат и до запушување на бубрезите и така да ги попречат третманите на дијализа кои им се потребни на најтешко погодените пациенти.
Оштетувањата на панкреасот може да ја влошат состојбата со дијабетес, а се покажало дека дијабетичарите се изложени на најголем ризик од тешка болест и смрт предизвикана од коронавирусот.
Коронавирусот може, покажал прегледот, директно да го оштети и мозокот, но некои невролошки појави веројатно се последица на самото лекување.
“Болните со КОВИД-19 може да имаат потреба од интубација две до три недели, а една четвртина од заболените помош од респиратор требаат по 30 и повеќе денови. Тоа се долготрајни интубации поради кои на пациентите им се потребни многу средства за смирување“, наведува проф. Гупта.
Вирусот делува и на имуниот систен и ги исцрпува Т-клетките кои телото обчно ги користи за борба против вирусните инфекции.
“Лимфоцитопенијатакоја е маркер за ослабен клеточен имунитет е главен лабораториски наод пријавен кај 67 од 90 проценти од случаевите на болни од КОВИД-19“, наведуваат истражувачите.
“Гастроинтестиналните симптоми може да бидат поврзани со подолго траење на болеста, но не се поврзани со зголемна стапка на смртност“, наведуваат лекарите, а за бројните симптоми на кожата, како осип, виолетови пеги и отечени ножни прсти, велат дека сами исчезнуваат.
