Тим научници од САД веруваат дека докажале дека коронавирусот мутирал и со тоа станал позаразен.Тие истакнуваат дека е потребно дополнително истражување за да се утврди дали мутацијата го променила текот на пандемијата, но веројатно е дека тие промени би можле да објаснат зошто вирусот толку е раширен низ САД и во Латинска Америка. Станува збор за мутација, која недели наназад ги загрижува научниците.
Научниците од Институтот Scripps Research во трудот кој се уште не е рецензиран тврдат дека мутацијата се однесува на протеинскиот клинец, структура на надворешната страна на вирусот кој ми олеснува влез во клетките. Доколку се потврдат заклучоците, тоа ќе биде прв пат некој да покаже дека промените на вирусот значајно влијаат на пандемијата.
Светската здравствена организација (СЗО) оваа недела објави дека досегашните мутации на коронавирусот нема да ја загрозат ефикасноста на идната вакцина. При тоа, експертите изјавија дека мутациите не го олеснуваат преносот на вирусот, ниту го прават поопасен.
Научниците покажале дека благодарение на мутацијата D614G, вирусот има многу повеќе клинци и тие стануваат постабилни што им го олеснува продирањето во клетките на човекот.
