Промените во начинот на живот кои доаѓаат со родителството, тврдат стручњаците од Универзитетот Кембриџ, често водат кон долгорочно дебелеење, а ова го потврдиле и десетина претходнии студии кои ја следеле тежината на жените на возраст помеѓу 15 и 35 години.
Жените кои не родиле деца добиле во период од пет до шест години околу пет килограни ( до 7,5 килограми), додека мајките се здебелиле 1,3 килограми повеќе. Стручњаците велат дека една од причините е тоа што е помалку веројатно дека тие поради своите обврски кои ги имаат, квалитетно ќе вежбаат, а поверојатно е дека и помалку ќе се грижат за себе, односно за тоа колку здраво се хранат.
Тие велат дека и анализите покажуваат дека напуштањето на домот поради студирање или наоѓање работа се две случни животни случувања кои доведуваат до значајно зголемување на телесната тежина кај жените.
“Мајчинството предизвикува вкупниот индекс на телесна маса да се зголеми за 17 проценти, во споредба со жените кои немаат деца“, изјавила водачот на ова истражување д-р Еленор Винпени од Универзитетот Кембриџ.
Таа вели дека се покажало оти повеќето луѓе во секој преоден животен период малку добиваат на телесна тежина, што потоа, малку по малку, по некое време станува проблем. При тоа, д-р Винпени нагласува како и родителството е време кога се менува животниот стил и иако постојат бројни предизвици, тоа случување може воедно да биде и прилика да секој размисли за својот начин на живот и за тоа како може да стане поздрав и поактивен.
