На овие и на слични прашања одговараат двајца медицински стручњаци, д-р Вилијам Хилман и д-р Дејвид Бучхолз.
- Постои ли начин на кој би се открило дека некој имал КОВИД-19, а тоа да не го знаел?
Во овој момент за тоа немаме тест. Развиваме тестови на антитела со цел да провериме дали некој претходно имал инфекција,но тие се уште не се подготвени за клиничка употреба. Единствен сигурен начин да дознаете е да асе тестирате додека сте се уште заразени.
- Дали е можно да се има вирусот и без симптоми?
Коронавирусот има различен спектар на симптоми. Постојат луѓе кои воопшто немале симптоми, такви кои имале многу благи симптоми слични на настинка, како што се течење нос и болка во грлото, како и лица кои имале потешки симптоми налик на грип, како што се висока температура, болки во мускулите, краток здив и кашлица. Некои имале и тешки респираторни затајувања и им била потребна интензивна нега. Неодамнешни истражувања покажаа дека некои од симптомите се и губење на осетот за мирис и за вкус.
- Колкав е процентот на оние кои немале симптоми?
Во моментов во Њујорк ги тестираме само оние со најтешки симптоми. Не го знаеме тој податок. Но, студија спроведена на Исланд, каде е тестиран голем дел од популацијата, покажала дека 50% од луѓето кои биле позитивни на коровирусот немале симптоми.
- Дали лицата кои се асимптоматски се исто така заразни?
Значаен дел од луѓето кои се целосно асимптоматски, заразни се дел од времето. Во овој момент не знаеме колку долго оти немаме на располагање тестови за асимптоматски инфекции. Кога лицата имаат симптоми, тие се заразни ден или два пред симптомите да им се манифестираат, а кога ќе поминат симптомите може да бидат заразни уште неколку дена. Имаме докази за постоење на вирусот дури и неколку недели откако ќе поминат симптомите. Тешко е да се знае дали се тоа вистински, живи вируси кои се ште може некого да заразат или се тоа само мртви вируси кои телото ги исфрла.
- Треба ли некој да се однесува поинаку, ако мисли, но не знае да сигурно, дека веќе имал коронавирус?
Ако сме сите заедно во ова, сите треба да ја почитуваме мерката на социјално дистанцирање. Со оглед дека во овој момент нема вистински начин на кој би знаеле дали некој имал коронавирус, освен ако немал симптоми и бил тестиран, постапете како да сте го немале. Продолжете да ги правите оние работи кои сите би требало во овој момент да ги правиме: социјално дистанцирање и хигиена на рацете.
- Ако сум прележал коронавирус, и оздравел, можам ли повторно да се заразам?
Не подтојат докази дека некој добил коронавирус, повеќе од еднаш. Некој со нормален имуниолошки систем, кој иреагирал на вирусот и оздравел, би требало да има имунитет подолго време, барем една година, ако не и цел живот.
