Ширум светот, на сите континенти се случува истото: мажите почесто се хоспитализираат со тешка слика на КОВИД-19 и тие почесто се жртви на оваа болест. Нивните ризици се двојно поголеми. Жените можеби се заразуваат еднакво брзо, но веројатноста дека ќе се опорават е многу поголема. Како е тоа можно?
Женскиот имун систем вообичаено побрзо и посилно одговара на вирусите и тоа би можело да биде еден од факторите на подобра заштита од SARS-CoV-2, вирусот кој ја предизвикува болеста КОВИД-19. Извештаите за појавата на епидемијата во Вухан покажале дека жените побрзо оздравуваат од вирусот.
“Податоците ни говорат дека во имунолошкиот одговор помеѓу половите постојат разлики кои влијаат на имунитетот“, вели биологот Сабра Клеин од Универзитетот Џон Хопкинс. И кај останатите вируси е забележано дека разликите во имунитетот меѓу половите се предизвикани од генетските и хормонални разлики помеѓу жените и мажите.
“На пример, хормоните како естроген и прогестерон може да ги заштитат жените од вируси, а можно е тестостеронот кај мажите да го прави спротивното“, предупредува Клеин.
Научниците ја истражуваат и улогата на ACE-2 рецепторите во белите дробови и дишните патишта кои ги напаѓа SARS-CoV-2. Според она што го знаеме, од хипертензија до бубрежни болести, мажите во овој дел полошо поминуваат. Знаеме и дека естрогенот ја намалува експресијата на АСЕ-2, што сепак би можело да објасни зошто жените се поотпорни на вируси, смета биологот Клеин.
Голема студија која е спроведена на случаевите во Њујорк, воочила дека мажите биле почесто хоспитализирани, па дури и фатално завршувале, без разлика на возраста. Слично покажала е европска студија која е објавена во стручното списание The Lancet.
Билошките разлики се само дел од приказанта за тоа што ги разликува мажите и жените. Розмари Морган, е експерт која специјализирала се за родно поврзаните фактори кои влијаат на здравјето и болестите, вклучувајќи го и КОВИД-19. Таа тврди дека на тоа влијае и нашето научено однесување, социјални и културни норми кои ги дефинираат нашите улоги и одговорности.
Така, жените почесто ќе бидат на првите линии, како медицински сестри, продавачките, хигиеничарки… и тоа ќе ги изложи на поголем ризик. Од друга страна, мажите почесто пијат и пушат цигари, што се исто така ризик фактори. Мажите неволно одат на лекар, а и поретко носат маски и понепрецизно ги мијат рацете, а сето тоа може дополнително да го зголеми ризикот од зараза со новиот коронавирус.
Хипертензија, срцеви болести, дијабетес, сите овие болести од кои почести заболуваат мажите, може да се препишат на факторите на животен стил, а сето тоа го зголемува и ризикот од тешки случаи на КОВИД-19.
Клеин и нејзините соработници заклучиле дека тие разлик треба да се земат предвид при обликувањето на идната вакцина.
“Имаме податоци од минатото кои покажуваат дека мажите и жените имаат различни нуспојави и за тоа треба да се биде свесен. Не сакаме реакцијата на лекот да биде полоша од состојбата која се обидува да се излекува“, вели Клеин.
Во меѓувреме, Клеин и имунологот Артур Казадевали го истражуваат лекување со плазма која користи антитела од опоравени болни од КОВИД-19, за да се зајакне имунитетот кај актуелните случаи, а првите резултати ветуваат, додаваат научниците.
