“Проблемот со природно стекнатиот имунитет е што не е силен како вакцината и што по одредено време многу се намалува и тогаш можете повторно да се заразите ако не се вакцинирани“, појаснува д-р Тајсон Бел, професорка по медицина, а и бројни нејзини колеги се согласуваат.
Верувањето дека природниот имунитет е доволен да се одбраниме од инфекцијата е сосема нереално, но и многу опасно, нагласува д-р Кери Алтхоф, професор по епидемиологија.
“Тешко е, имаме лица кои се во ризична група и може да добијат тешка форма на болеста, но имаме и млади, здрави лица кои умираат“, додава тој.
Многумина ја одбиваат вакцината со аргумент дека ги штити природниот имунитет, но не само нив, туку и луѓето околу нив. Веројатно ќе се создаде колективен имунитет и заедно со вакцината сигурно ќе штити од хоспитализација, но и од смртен исход.
Лекарот по превентивна медицина, д-р Давид Кац вели дека имунитетот што се стекнува по инфекцијата мора да се земе предвид. Според зборовите на д-р Бел, природата на вирусот е таква да доаѓа во циклуси, па кога ќе дојде следен бран на вирусот, а лицето го изгубило имунитетот, тоа останува без било каква заштита.
“Не постои здрава логика која вели дека е подобро да се разболиш отколку да се вакцинираш. Според она што го знаеме до денес, се чини дека вакцината е многу поефикасна од инфекцијата, а и побезбедна, па никој не треба да размислува на погрешен начин“, додава д-р Алтхоф.
ВАКЦИНАТА ШТИТИ ОД БОЛЕСТА
И понатаму постојат многу работи кои мора да ги научиме за коронавирусот и неговите долготрајни последици, вклучувајќи и колку долго антителата траат по инфекцијата и колку им треба да се создадат, како и зошто кај некои се развиваат, а кај некои не.
Центарот за контрола и превенција од болести (ЦДЦ) наведува дека природниот одговор на вирусот не одговара на прашањето имаат ли лицата на кои не можат да им се измерат антитела, иако имале инфекција, и понатаму заштита. Иако не е јасно колку вакцинирани лица претходно ја имале болеста, истражувањата упатуваат на тоа дека лицата кои имаат имунитет и од болеста и од вакцината, имаат најдобар одговор на антитела.
ТРЕБА ЛИ ДА СЕ ВАКЦИНИРААТ ДЕЦАТА СО ЦЕЛ ДА СЕ СТОПИРА ШИРЕЊЕТО НА ВИРУСОТ?
“Иако децата ретко заболуваат од тешки форми на КОВИД-19 или умираат, тие го пренесуваат вирусот и допринесуваат за ширење на епидемијата. Тоа посебно се однесува на децата на училишна возраст кои имаат интензивни контакти што оди во прилог на ширење на вирусот, особено моментално со доминантно присутни две високозаразни варијанти на вирусот. Децата по училиште доаѓаат дома и го пренесуваат вирусот на домашните. Постои и дел од возрасните кои дошле до контакт со вирусот, но исто така не стекнале имунитет, што особено се однесува на оние кои асимптоматски ја прележале инфекцијата“, објаснуваат лекарите.
