Сите сме го чуле она дека спиењето е мошне важно за здравјето и дека недостатокот на сон може неповолно да влијае на организмот. Меѓутоа, едно ново истражување покажало дека шест часа сон имаат ист ефект како и потполн недостаток на истиот.
Во студијата спроведена неодамна учествувале 48 возрасни испитаници, поделени во четири групи. Им биле овозможени, по ред, четири, шест и осум часа сон по ноќ, додека една група морала да остане будна цели три дена. За време на истражувањето сите биле тестирани на неколку часа, освен кога спиеле, за да се провери когнитивната состојба и времето на реакцијата. Исто така, одговарале на прашања за тоа како се чувствуваат во дадениот момент.
Најдобро се покажале испитаниците кои имале осум часа сон, а резултатитe најмногу се влошувале кај оние со четири. Меѓутоа кога се во прашање оние кои спиеле шест часа, прикажано е чувство дека се е во ред, дури и кога реакциите опаѓале. После десет дена, нивните резултатите биле исти како и кај оние кои не спиеле воопшто. Групата која не спиела била мошне свесна за се полошата когнитивна состојба, додека испитаниците со шест часа сон себеси и понатаму се оценувале како да е се во ред, дури и кога тоа не било случај.
После се, се поставува прашањето колку луѓето воопшто се свесни за количеството на време кое го поминуваат во спиење? Многумина спијат помалку од препорачаното, но во тоа не гледаат проблем и им се чини дека подобро ги обавуваат секојдневните активности од што впрочем и е точно. Шест часа спиење после две недели доведува до големи акумулации на недостаток на сон и оттаму доаѓаат полошите резултати.
Тешко е да се пронајде идеален начин да се реши прашањето на сонот, но препораките се да се легнува секогаш во исто или приближно време, без гледање во екрани барем 30 минути претходно, со ограничување на внесот на алкохол и доволно физички активности во текот на денот. Најважно е луѓето да станат свесни за тоа колку сон всушност им недостастува, за тоа да го надоместат.
