Се повеќе двојки се соочуваат до потешкотии да зачнат. Како резултат на тоа расте притисокот над идните мајки што поскоро да се фатат за решавање на проблемот. Жените се поттикнуваат што поскоро да забременат, при што неретко се земаат предвид неколку клучни причинители – цената на живеење, годините вложени во стекнување образование и градење кариера, но и пронаоѓање погоден партнер. Ваквиот вид хроничен притисок се нарекува „беби паника“.
Додека мажите не мораат да се грижат за наглата минливост на својата плодност, кога се работи за спротивниот пол шансите за успешна бременост постепено се намалуваат после 30-та година, а нагло паѓаат после 40-та.
Верувањето дека плодноста кај жените нагло опаѓа после 35 –та година, судејќи по новите истражувања, е преувеличано. Ова верување всушност се заснова на еден текст од минатата деценија каде податоците се изведени од стар француски попис на населението. Се работи за податоци од попис кои датираат од периодот меѓу 1670 и 1830 година.
Една друга студија, исто така, стара петнаесет години, сведочи за речиси идентична плодност кај жените во дваесеттите и триесеттите години. Имено, таа студија открила дека дури 82 отсто од жените на возраст меѓу 35 и 39 години забременуваат во период од една година, додека во случајот на жените на возраст меѓу 27 и 39 години таа бројка изнесува 86 отсто.
Во 2013 година спроведено е уште едно истражување кое покажало дека 78 отсто од жените на возраст меѓу 35 и 40 години забременуваат за една година во споредба со 84 отсто од жените на возраст меѓу 20 и 34 години, кои исто така, имале успех.
