Луѓето кои имаат лесен од, двапати почесто умираат од болести на срцето – се наведува во резултатите од обемното истражување направено од група британски лекари.
Специјалистите во периодот од шест години следеле 230 000 жени и 190 000 мажи на возраст од 39 до 74 години. Учесниците во експериментот редовно оделе на тестови за физичката подготвеност и општата состојба на организмот. Тие, исто така, давале извештаи за темпото со кое се движат. Се разбира, предвид биле земени и останатите фактори како што се: консумирањето алкохол, пушењето, хроничните болести, работниот статус, етничката припадност. Но основната работа било темпото на одење.
За време на експериментот умреле 8 598 лица – од кои 1 188 мажи, а 466 жени умреле од срцев удар. Притоа меѓу нив имало двојно повеќе личности кои обично оделе полека.
Обратните резултати од истражувањето го потврдиле претходниот заклучок: брзото одење помага да се избегне развојот на срцеви болести. Истовремено, брзината на одење не е поврзана со ризикот од карцином. Но долгиот работен ден, повеќе од 55 часа неделно, предизвикува аритмија и го зголемува ризикот од предвремена смрт за 40 отсто во споредба со оние кои работат 35-40 часа.
