Исклучително лесно преносливата варијанта на новиот коронавирус што потекнува од Бразил и досега се прошири во најмалку 20 земји, може повторно да ги зарази лицата кои веќе еднаш го прележале КОВИД-19, предупредуваат научниците. Во студијата за појавата на мутацијата и ширењето во градот Манаус во државата Амазон во Бразил, стручњаците велар дека варијантата P.1 има “единствена комбинација на мутации“ и дека многу брзо станала доминантна во тоа подрачје.
Од стотина лица во Манаус кои се опоравиле од КОВИД-19, „се сомнева дека помеѓу 25 и 61 повторно се инфицирале со P.1“, вели Нуно Фариа, виролог од Империал колеџот во Лондон и коавтор на студијата.
Научниците проценуваат дека P.1 од изворната варијанта на коронавирусот SARS-CoV-2 е позаразна 1.4 до 2.2 пати.
Проф. Фариа вели дека засега е прерано да се каже дали тоа значи дека поради способноста на бразилскиот сој да го избегне имунитетот стекнат од претходна инфекција, вакцината против него е помалку ефикасна.
“Нема конечни докази кои би укажувале на тоа дека сегашните вакцини нема да бидат ефикасни против Р.1. Мислам дека во најмала рака ќе не штити од болеста и можно е и против повторна зараза“, појаснува проф. Фариа.
Научниците во светот се внимателни поради варијантите на коронавирусот кои полесно се шират или со постоечките вакцините е потешко од нив да се одбраниме.
